110 ára afmæli Thomasar og Hönnu.

Þá er ég með veislu á morgun, Thomas og Hanna, vinir mínir halda upp á það að þau verða 110 ára saman í ár. Þau halda upp á það með „manér" á morgun og ég verð kokkurinn.

                                                     Ætla ég mér að blogga allt um veisluna.

MENU.

Forréttur:

-Frauð af heitreyktum urriða með clorophyllsósu, anísbrauði og lífrænu sméri.

Vín: Pinot gris.

Aðalréttur/ir:

-Nautahryggur í salvíu. Krónhjörtur og epli.  Portvínssósa með nautamerg.

-Sprotakál/blómkálssulta Polognaise.

-Reykosts/kúrbíts baka og jarðsveppavinaigrette.

-Ofnbakaðir tómatar, timian, svartyllisblómaedik og repjuolía.

-Epla og villirósaávexta (DK: hyben)lasagne.

-Skógarsveppir og laukar.

-Soðkartöflur og skessujurt.

-Gamaldags salat með sætri sítrónu- rjómadressingu.

-Þrír ostar einn blár, einn hvítur og einn fastur. Með öllu því sem til heyrir. Meðal annars: ólífur, kandísaður pomelobörkur, hnetur og brauð.

Vín: Rautt. Ástralskt shiraz.

Desert:

-Súkkulaði-khalúa-expresso þykkni með Rheine Claude plómum og mintuís.

Vin:Fransk Sauterne og Ítalskt freyðivín.

Late snack:

-Ítalskar og Franskar pylsur, ostar, brauð og svo allt það sem afgangs verður frá veislunni. Öl og snaps.

 

 

Ég fór eldsnemma  (kl:5 )í morgun niður í KBH og verslaði inn í INCO sem er stórverslun allra kokka.

Kom svo heim um 9 leytið. Kyssti konuna mína og kvaddi. Hún fór svo í vinnuna hún mætti einum og hálfum tíma of seint svo að ég gæti verslað inn. ( hún var svosem ekkert að súta það, fékk að sofa einum og hálfum tíma lengur vegna þess) Pakkaði upp og setti nautabeinin yfirí 30 lítra pott, fyrir sósuna. Þau eiga að sjóða svona non stop í 24 tíma. Fyrst í 12 bara í vatni og svo hina 12 með grænmeti, fryddjurtum, víni og öðru gúmmulaði. Suðan var að koma upp núna áðan eftir einn tíma yfir eldinum. Byrja svo að skera grænmetið og hreinsa urriðan. Á meðan hlusta ég á eitthvað gott klassískt, á helling af svoleiðis góðum cídíum. Tek svo desertinn og ísinn seinnipartinn ásamt því að binda ketið upp og brúna það. Pomelóbörkurinn sem ég er búinn að malla undanfarna 3 daga læt ég svo í krukkur og kæli.  Brauðin; Þrjár tegundir, geri ég í kveld . Ég reikna ekki með því að sofa mikið í nótt, kanski tek ég mér kríu á sófanum í tíma eða tvo.  Er vanur því að taka veislurnar í einum rykk. Svo tek ég því bara rólega á sunnudaginn og mánudaginn og þá er allt komið í lag. Best að byrja að vinna og við sjáumst seinna.

Gangið ávallt á Guðs vegum.

Gunni Palli kokkur.

 

Athugasemdir

[Hrönn Sigurðardóttir, 17.8.2007 kl. 12:50]

Þetta hljómar rosalega vel! Allt saman.....

Er mér ekki örugglega boðið?

[Gunnar Páll Gunnarsson, 17.8.2007 kl. 12:52]

Jú jú koddu bara! Mig vantar alltaf smakkara! Er ekki alltaf vél seinnipartinn til Köben!!!

[Hrönn Sigurðardóttir, 17.8.2007 kl. 12:58]

 dúlla geturðu verið

[Steinunn Helga Sigurðardóttir, 17.8.2007 kl. 15:01]

elsku kallinn minn, þú ert besti kokkur af öllum,

AlheimsLjós til þín og matsins sem þú eldar með mikilli tilfinningu, þekkingu og samvinnu með hinum !

Steina 

[Gunnar Helgi Eysteinsson, 17.8.2007 kl. 20:51]

Guð, hvað ég varð svangur...