Miðnætti og meira kaffi.

                                                                                                                                                 Miðnætti! Það gargar á pásu og kaffi, þó að ég eigi hana ekker skilið, hundlatur í dag og fór svo að horfa á sjónvarpið,,, fussum svei.  Réttlætti þetta fyrir mér og almættinu að þetta var þáttur um atómbombuna og fyrstu árásina á Hirosima. Sorglegt. En það tókst mér að standa upp og byrja aftur með veisluna. Búinn að sigta fyrsta soðpottinn, sauð hann ekki eins lengi og ég sagði í fyrra blogginu, bara í 12 tíma. Beinin geymi ég svo þar til pláss  er fyrir og seinni potturinn hefur soðið líka í 12 tíma. Þá steypi ég gömlu beinunum í og geri svokallað  súpusoð ( lesið: þunnt) þurfti líka að skera mig í lófann svo að best er að blogga í bili.  Ég batt ketið til, bakaði kökuna og gerði ísinn. Á eftir hnoða ég deigin í brauðin. Eitt með anísbragði, annað gróft og það þriðja verður með polenta og durum hveiti. Ég náði í litla glymskrattan hennar dóttur minnar og er að hlusta á popp frá þeim tíma þegar ég var ungur strákur og átti ekkert nema framtíðina fyrir mér. Útvarpsstöð sem heitir því frumlega nafni: YESTERDAY. Þar hittu þau naglan á höfuðið, bara gamalt popp og þh. Jæja, þarf að fara að fleyta af soðinu og gera brauðið. Bæjó í bili. 

 

Gunni Palli kokkur.

Athugasemdir

[Solla Guðjóns, 22.8.2007 kl. 09:24]