Heimagerð tómatsósa.

Þá er ég með aðra veislu á morgun og ætla mér að vinna í alla nótt. Það liggur mikið við að ég verði búinn snemma og að hreinsa og taka til, vegna þess að litla dóttir okkar heldur upp á 10 ára afmælið sitt annað kvöld(laugardag). Bekkurinn kemur og gistir í tjaldi útí garði 16 krakkar. Siggi okkar er hjá okkur og hjálpar mikið til. Ég ætla ekki að blogga um þessa veislu, heldur að gefa ykkur uppskrift að Tómatsósu (ketchup) sem ég gerði í vikunni.

Ég keypti nefnilega fullt af vel þroskuðum tómötum hjá Halal gæjunum á Hálmtorginu í Köben. Ég hef verslað við þá allar götur síðan við komum til DK.

                                                             
 

Ókey! Tómatarnir eru settir í pott, suðunni hleypt upp og þeir maukaðir. Svo nota ég eftirfarandi:Heil piparkorn, korianderfræ, allarahanda, lárviðarlauf, hvítlauk, lauk, timian, skessujurt, salvíu, steinseljusellery, paprikuduft, hrásykur, salt, epli og gott edik, í þessu tilfelli heimagert ylliblómaedik.

                                              
 

Eplin,laukarnir og hvítlaukurinn saxaði ég gróft og hellti öllu í pott ásamt öllu hinu (nema tómötunum)  og kveikti undir á vægum hita. Má alls ekki brúnast.

                                                

Þegar edikið er gufað upp þá hellið tómatmaukinu í og sjóðið varlega í ca 30 min. 

                                                

Maukið herlegheitin með töfrasprota ( eða kremjið í gegnum gróft sigti)

                                                

og sigtið svo.

                                              
 

Bragðið til eins og þið viljið. Meiri sykur, meira edik, meira hitt og meira þetta. Sjóðið svo sósuna niður í þá þykkt sem þið óskið og hellið svo á hreinar flöskur (ATAMOM????) og kælið svo vel.

                                              

Gerið svo vel.

Gunni Palli kokkur.

PS: Ef ykkur vantar ýtarlegri uppskrift þá smellið ykkur á www.alletiderskogebog.dk  Þar finnið þið fimm eða átta uppskriftir.

Velbekomme.  

Athugasemdir

[Hrönn Sigurðardóttir, 24.8.2007 kl. 20:07]

Hrikalega girnilegt!!!!!

PS þú og þitt allrahanda......

[Gunnar Páll Gunnarsson, 24.8.2007 kl. 21:01]

heyrðu ég kvittaði áðan ! skrifa aftur, þessi tómatsósa er toppurinn !!!

Ljósi dósi

steina kleina 

[Guðsteinn Haukur Barkarson, 25.8.2007 kl. 01:16]

Amms .. verð að prófa þessa! 

[Jón Brynjar Birgisson, 25.8.2007 kl. 21:51]

Þessi danska vefsíða er lygileg. Hvað eru þetta mörg þúsund uppskriftir?

[www.zordis.com, 26.8.2007 kl. 13:29]

Hrikalega girnileg sósan!  Ég elska tómata þannig að þessi færsla hitti mig í hjartað! 

[Agný, 30.8.2007 kl. 02:54]

Þetta hljómar svo girnilega að það liggur við að ég finni ilminnVerst af öllu að ég skyldi ekki hafa haft tíma til að hafa samband við ykkur þegar ég var úti þá hefði ég kanski getað smakkað herlegheitin...En þú veist að það er í tómötum sem er næst mest af nikotíni á eftir tóbakinu..þar á eftir kemur gamla góða kartaflan...