Dagur í lífi.............

Það er alveg furðulegt hvað smá kría/siesta/morfar gerir manni.
Sko; vikan er bara búin að sökka í vinnunni. Kaffivélin er búin að vera í ólagi í TVÆR vikur og við búin að gera kaffi upp á gamla mátan, sem er bara tímafrekt. Svo þegar ég kvellsprakk á viðgerðar”þjónustunni” þá var loksins gert við maskínuna. Ég er með 200 durga sem ég þarf að fóðra á hverjum degi og þeir drekka meira kaffi en fullhlaðin Júmbóþota notar af bensíni í flugtaki. Svo eru það veikindi og önnur skemmtilegheit sem hafa puntað upp á vikuna hjá mér í blessuðu vinnunni minni. Í morgun hafði staffið mitt á orði hversu þreytulegur ég væri. ( nó wonder) Ég var í ferlega slæmu skapi í vinnunni og allir átu eins og berserkir. Var með ofnbakaðar laksakótelettur með spínati og sultuðum rauðlauk, smjörsósu og splúnkunýjum litlum kartöflum.

 

 

 

 

 

 

Skapið batnaði aðeins þegar kom á daginn að allir voru í skýjunum yfir matnum, og svo var afleysingakokkurinn aðeins betri í dag en í gær. Ég keyrði svo hægt heim(80 – 110 km/klst) Aðeins að slaka á. Sólin skein og hitinn geggjaður. Stoppaði svo rétt áður en ég kom heim, á brautarstöðinni í Lejre, labbaði berfættur út og keypti flotta ísa fyrir konuna, mig og Sólina. SVO LAGÐI ÉG MIG á sófan og ætlaði aaðeeins að bloggazzzz . Ég svaf í heilan tíma með fartölvuna á maganum og hef ábyggilega hrotið hátt! Eftir tvo lútsterka exprezzo kom ég mér í vinnufötin og dröslaði mér út í garð og fór að taka til, slá grasið, vökva allt og raða upp trjádrumbunum sem ég fékk hjá nágrannanum í síðustu viku. Þetta eru gömlu grenitrén sem voru felld og fékk ég nokkra risastóra drumba sem ég ætla svo að saga niður í stóla. Svona eins og í Ástríksbókunum. (40-60 cm í rúmmál) Ég tók mér pásur til að skoða mig um og dáðst að náttúrunni, bíflugunum mínum, fuglunum og veðrinu sem er með ólíkindum gott.

 

 

 

 

 

 

 

Kom svo inn um hálf tólf leytið og fór að blogga!!! Ekkert þreyttur og í ferlega góðu skapi. Garðurinn er glæsilegur og hugurinn heima. Fékk mér kaldar kjötbollur og ketchup og drakk smá koníak með. Alveg yndislegt og er vo að lurkast upp í bæli til kellu minna sem hrýtur voðalega varlega og í réttum tóntegundum og ef ég þekki mig rétt þá á ég eftir að velgja konunni minni undir uggunum þegar ég byrja á minni óratóríu í Hes-moll eftir undirritaðan. Góða nótt og ég ætla svo að klára greinina um matreiðslukeppnina á morgun í lestinni.

Gunni Palli kokkur.

Athugasemdir

[Haraldur Davíðsson, 6.6.2008 kl. 04:01]

 Ég skal hrjóta bakraddir...og ef ég fæ konuna með í karpið, þá kaffærum við hvað sem er...

[Gunnar Páll Gunnarsson, 6.6.2008 kl. 05:59]

Já og mundu ad æfa thig á Hes-moll röddinni.

[Guðni Már Henningsson, 6.6.2008 kl. 09:27]

Góð færsla hjá þér kæri vinur...þú verður að passa að keyra þig ekki út..

[Hrönn Sigurðardóttir, 6.6.2008 kl. 11:27]

Alltaf gott að lesa þig! Ég var lent í garðinum hjá þér áður en ég vissi af......

Eigðu góðan dag Gunni Palli kokkur

[Steinunn Helga Sigurðardóttir, 6.6.2008 kl. 16:20]

þú ert nú meiri kallinn minn, hrotuhrúturinn væni !

knús í krús

steina